వరుస సినిమాలతో విజయవంతమైన కేరీర్‌ను కొనసాగిస్తున్న రష్మిక మందన, తన తదుపరి ప్రాజెక్టులను పూర్తి చేసి ప్రేక్షకుల ముందుకు తీసుకురావడానికి ప్రణాళికలు సిద్ధం చేస్తుంది. “చావాలో” యేసు భాయి పాత్రలో ఆమె ప్రదర్శించిన ప్రాముఖ్యతతో పాటు ఆమె పద్ధతిగా కనిపించిందని మంచి ప్రశంసలు లభించాయి, దీంతో మరిన్ని సినిమాలు ఆమె వద్ద క్యూ కడుతున్నాయి. అలాగే, పుష్ప సెకండ్ పార్ట్ కూడా బ్లాక్ బస్టర్ హిట్‌గా నిలిచి, భారతీయ సినీ హిస్టరీలో అత్యధిక కలెక్షన్లు సాధించిన చిత్రంగా నిలిచింది.
అయితే, జిమ్‌లో ఆమె కాలికి గాయం కావడంతో, ఆమె చేసిన పెద్ద చిత్రాల షూటింగ్‌లు మొత్తం బ్రేక్ అయ్యాయి. కానీ, ఆమె నటించిన మరొక పెద్ద చిత్రం “సికిందర్ రంజాన్” ప్రేక్షకుల ముందుకు రాబోతుంది.
ఈ చిత్రంలో సల్మాన్ ఖాన్ హీరోగా నటిస్తున్నారు, ఆయన సరసన రష్మిక హీరోయిన్గా నటిస్తోంది. మురుగదాస్ ఈ సినిమాకు దర్శకత్వం వహిస్తున్నారు. ఏప్రిల్ లో ఈ చిత్రం ప్రేక్షకుల ముందుకు రాబోతోంది. రష్మిక త్వరలోనే ఈ సినిమా సెట్స్‌లో తిరిగి చేరి తన పార్ట్ పూర్తి చేసే పరిస్థితి ఉంది.
మరొక పక్క, “కుబేర” సినిమాలో రష్మిక చేయాల్సిన పాత్ర కోసం శేఖర్ కమ్ముల ఎదురు చూస్తున్నారు. ఆమె కాలి గాయం కారణంగా ఈ సినిమా షూటింగ్ కూడా నిలిచిపోయింది. ఈ నేపథ్యంలో, షూటింగ్ వాయిదా పడినట్లు తెలుస్తోంది, అలాగే సినిమా విడుదల కూడా వాయిదా పడింది. అయినప్పటికీ, రష్మిక తన పోర్షన్స్ పూర్తి చేసి, మేకర్స్‌కు విడుదలలో ఎలాంటి అడ్డంకులు లేకుండా చేసే ప్రయత్నం చేస్తున్నట్లు సమాచారం.
